Протестите против Владата на Бугарија продолжуваат и денеска, ова е деветти ден од нивниот старт во Софија и ширум соседната земја. Синоќа 8 лица беа уапсени, кај нив биле пронајдени наркотици и оружје, пренесоа локалните медиуми.
Дел од демонстрантите вчера направија жив штит во одбрана од полицијата. Традиционалниот протестен марш до Националното собрание и мостот Орел, се очекува да се одржи и вечерва.
Протест имаше и пред Судот кој беше организиран од организацијата „Правда за секого“. Од таму, тие побараа оставка на главниот обвинител и бугарската Влада. Протести имаше и во Пловдив, градоначалникот на градот Здравко Димитров изјави дека се плаши доколку продолжи кризата меѓу институциите, истакнувајќи дека тоа ќе доведе до проблеми во локалната власт.
Thousands of people flooded #Sofia on Thursday, as anti-graft protests continued in the #Bulgarian capital, demanding the resignation of Prime Minister #BoykoBorissov's government and the country's chief prosecutor.
FULL STORY: https://t.co/KNpHqVCGOW#Bulgaria pic.twitter.com/vbpvXRNaoB
— Ruptly (@Ruptly) July 17, 2020
Протести беа организирани и во Варна, незадоволните граѓани повторно се собраа пред зградата на општината со барања за оставка на Владата и на главниот обвинител Иван Гешев. Досега протестите се одвиваат мирно иако посетеноста на граѓаните се зголемува.