И Бугарија ги доби првите дози на вакцините против коронавирус, а вакцинирањето ќе почне од утре.
Возилата со по 9.750 дози од вакцината на Фајзер пристигнаа синоќа во Грција и во Бугарија.
Софија очекува во јануари да пристигнат 62.500 дози, додека Грција, најави во текот на следната седмица пристигнување на уште 83.850 дози од вакцината.
До крајот на јануари во Грција ќе бидат доставени 429.000 дози и 333.450 дози до крајот на февруари, а до крајот од првиот квартал од 2021 година, само од Фајзер/БиоНТек, се очекува земјата да добие 1.265.550 дози.
Вакцините што пристигнаа во Софија, веќе се веќе ставени во замрзнувач, а за помалку од еден час првите вакцини ќе одат во Пловдив и Бургас, најави министерот за здравство Костадин Ангелов.
„Нашата амбиција е да достигнеме 70 проценти од вакцинирани Бугари. Откако ќе ја достигнеме оваа бројка, ќе ги фрлиме маските, ќе почнеме да се гледаме, да ги гледаме своите најблиски, да одиме во театар и кино“, додаде Ангелов.
Бугарскиот министер додаде дека ќе се потпре на медиумите за да ги информираат луѓето и да ја убедат јавноста дека вакцините се безбедни за здравјето. Тој најави дека ќе биде првиот во Бугарија кој што ќе се вакцинира.