Во Белград денеска во 16 часот е измерена температура од 38,2 целзиусови степени, со што денешниот ден официјално е најтоплиот во српскиот главен град во изминатите 103 години.
Денеска измерената температура е за 0,2 степени повисока од онаа на 18 јуни 1918 година, соопшти српскиот хидромоетеоролошки завод.
Лекарите од Итната медицинска помош соопштија дека само до 10:30 часот претпладнево имало десетина жители на Белград кои колабирале на градските улици и на кои морало да им се укаже лекарска помош.
РХМЗ денеска издаде предупредување за многу високите температури, кои се значително над просекот за ова време од годината. Метеоролозите најавуваат и услови за дожд и невреме со грмотевици во Србија во раните вечерни часови.