Познатиот белградски сплав на Ушче, „Фристајлер“, до половина потона за време на новогодишната ноќ, а полицијата ги евакуираше сите гости и го забрани пристапот до сплавот.
Како што изјави еден од полицајците за Танјуг, сплавот почнал да тоне бидејќи на него имало многу повеќе луѓе отколку што навистина можело да собере.
Според полицијата нема повредени, освен што две девојки се сопнале при стампедото кое се случило додека гостите панично го напуштале сплавот.
На екипата на Танјуг полицијата и забранила да се спушти од шеталиштето до нивото на сплавот, бидејќи, како што предупредија, постои опасност сплавот да ги искине високонапонските кабли.