Пукната водоводна цевка на улица во Нови Сад, создала огромна дупка во асфалтот, во која пропаднал еден паркиран автомобил, пренесоа српските медиуми.
Градските служби соопштија дека нема повредени лица во пропаднатото возило.
„Нашите работници, по полицискиот увид, го извлекоа автомобилот кој нема поголеми оштетувања“, соопшти новосадското претпријатие „Водовод и канализација“.
Поради несреќата, граѓаните во тој дел од градот останале без вода, а во попладневните часови дефектот бил саниран.