По состанокот вечерва на двете раководства на здруженијата на ветераните, Албанците на југот на Србија одлучија да предложат преместување на споменикот на борците на ОВПМБ од плоштадот во Прешево во дворот на џамијата.
За утре во 11 часот е закажан состанок на сите шест партии на Албанците на југот на Србија на кои ќе им биде соопштена оваа одлука.
Се очекува после состанокот за ова да се извести Владата на Србија и од неа да се побараат уште неколку дена за техничко спроведување на одлуката.
Српскиот претседател и премиер до 17 јануари дадоа рок да се отстрани споменикот од плоштадот за да не го направи тоа државата.