Грчкиот министер за надворешни работи Евангелос Венизелос во Брисел на средбата на НАТО изјави дека прашањето за името на Македонија не е билатерален спор, туку меѓународно отворено прашање.
Венизелос, како што соопшти грчкото МНР, информирал дека за време на последната посета во Скопје се договорил со премиерот Никола Груевски преговарачкиот процес да се интензивира.
Според него, процесот под покровителство на медијаторот Метју Нимиц е погоден и соодветен. Венизелос повторил дека грчката позиција е конкретна и во согласност со меѓународното право и оти Атина чека одговор од другата страна.