Заменик-министерката за надворешни работи на Бугарија, Велислава Петрова на вонреден брифинг изјави дека моментално ситуацијата во Украина ескалира.
Ккао што соопшти дописникот на МИА од Софија, според Петрова, позицијата на Бугарија е јасна и земјата продолжува да го поддржува суверенитетот и територијалниот интегритет на Украина во нејзините меѓународно признати граници.
На веб-страницата на Министерството за надворешни работи во моментов се регистрирани 84 бугарски државјани во Украина, од кои шест изразиле желба доколку има потреба да бидат евакуирани.
Петрова во наредните денови најави дека е планирано и патување на бугарската министерка за надворешни работи Теодора Генчовска заедно со колеги од балтичките земји во Украина.
Извор: МИА