Вашингтон му се налути на Ердоган поради средба со претставници на Хамас

Од:

Соединетите Американски Држави денеска изразија несогласување со потегот на турскиот претседател Реџеп Таип Ердоган, кој изминатиов викенд се сретнал со претставници на палестинското движење Хамас, кое е на листата на терористички организации на Вашингтон.

Според портпаролката на Стејт депарментот, Морган Ортагус, американската администрација силно се противи на приемот на двајцата водачи на Хамас од страна на Ердоган во Истанбул на 22 август.

Ортагус рече дека „продолжувањето на овие односи ќе ја изолира Турција од меѓународната заедница“. Таа исто така објасни дека САД ја сметаат Хамас за терористичка организација, а Вашингтон има и распишано награда за информации кои ќе доведат до апсењето на еден од двајцата претставници на движењето што ги примил Ердоган – шефот на политичкото биро на Хамас, Исмаил Ханије.

Турското Министерство за надворешни работи соопшти дека Турција во целост ја отфрла изјавата на американскиот Стејт департмент „кој непримерно го коментираше приемот што го приреди турскиот претседател Реџеп Таип Ердоган за претставниците на палестинското движење Хамас“, јави агенцијата Анадолија.

– Кон изградба на мирот и стабилноста нема да придонесе тоа што легитимните претставници на Хамас, кои дојдоа на власт во Газа на демократски избори, се нарекуваат терористи, се вели во соопштението, пренесува Анадолија.

Би можело да ве интересира

ВИДЕО: Олуите и торнадата во САД однесоа 23 жртви, 300 илјади луѓе без струја

ВИДЕО: Израел одговори на нападот на Хамас, погоден е камп за бегалци

Катерина Ѓуровски

Голем ракетен напад врз Тел Авив: Хамас објави дека е одмазда за убиството на цивили

Предраг Петровиќ

Вооружена пресметка меѓу две групи во Турција: Три лица загинаа

Горан Наумовски

ЕУ увезува руска нафта преку турските пристаништа

Пет лица загинаа во торнадо во Ајова, десетици се повредени