Денеска во Белград со поголемо количество дрога е уапсен раперот Сале Тру, кој е втора „жртва“ на полицијата меѓу рап музичарите во последната недела.
32-годишниот Александар Лазиќ бил подолго време следен, а при денешниот претрес кај него се најдени над еден килограм марихуана и 871 таблета „екстази,“ соопшти полицијата.
Сале Тру беше популарен кај српската рап публика пред десетина години, по што речиси и да престана да се занимава со музика, а според српските медиуми, пред неколку години се обидел да ја поврати старата слава со учество во реалното шоу „Задруга“.
Минатата недела, во Белград беше уапсен Стефан Ѓуриќ – Раста, кај кого исто така беше најдено поголемо количество марихуана, спакувана во пакетчиња, според полицијата.