Министерството за внатрешни работи на Србија, во соработка со Европол и Обвинителството за организиран криминал, во рамки на меѓународната акција „Изи“ ги уапси и приведе водачите на балканскиот картел, кој во последните години организираше шверц на повеќе од 7 тони кокаин на територијата на Европа.
Акцијата е спроведена во најголема тајност во соработка со полициите на Холандија и Белгија со координација на Европол, при што се уапсени лицата кои се предводници на овој најголем картел во Европа.