Идентификувани се двајца малолетници кои се осомничени дека го претепале Ѓорѓе Мијатовиќ, братот на Војин Мијатовиќ, министер во Владата на Босна и Херцеговина, во паркот на Вождовац во Белград. Еден од осомничените (16) е уапсен.
Малолетниот се товари за тешко убиство и ќе биде изведен на распит во Вишото јавно обвинителство во Белград.
Малолетниците се осомничени дека со неколку удари во главата го удриле Мијатовиќ, кој почина по неколку часа. Интензивно се трага по второосомничениот.
Како што пишуваат српските медиуми Мијатовиќ добил шест удари во главата, од кои еден во пределот на слепоочницата.
Според соседите на Мијатовиќ, тој бил нападнат од тинејџери кои веќе подолго време правеле проблеми во околината, а кои го задевале и единаесетгодишниот син на Мијатовиќ.
Тие му ја одзеле топката на детето по што тој отишол кај татко му и се пожалил. Мијатовиќ се симнал и им рекол да го остават момчето на мира. Тогаш почнале непрекинато да го удираат.
Откако резултатите од обдукцијата ќе бидат доставени до Вишото јавно обвинителство во Белград, ќе биде нареден судско-медицински преглед за да се утврди како починатиот се здобил со смртоносните повреди.