Турскиот суд денеска осуди пет лица на доживотен затвор поради учество во убиството на рускиот амбасадор во Анкара, Андреј Карлов во 2016 година.
Еден од нив е обвинет како организатор на нападот, а друг осуден е поранешен разузнавач кој доставувал информации за Карлов.
Други шестмина се прогласени за невини, додека седум лица се осудени за членство во вооружена терористичка група.
Тие се осудени поради поврзаност со 22-годишниот напаѓач Мевљут Мерт Алтанташ, кој беше елиминиран од турската полиција откако го уби Карлов.
Рускиот амбасадор беше застрелан додека посетуваше изложба во турскиот главен град, а вознемирувачката снимка од нападот, која беше објавена, ја згрози светската јавност.