Три лица се уапсени, меѓу кои има и грчки државјанин, поради инцидентот на сплавот „Фристајлер“ на новогодишната ноќ кога тој објект почнал да тоне.
Уапсени се грчкиот државјанин, инаку сопственикот на сплавот Димитриос Љапис, менаџерот Дарко Вељовиќ и директорот Марко Радуловиќ.
Тие се осомничени за сторено кривично дело „тешко кривично дело против општата безбедност“. За ова дело е предвидена казна затвор од една до осум години.
Да потсетиме, само неколку минути по полноќ на 1 јануари „Фристајлерот“ почна да тоне. Настанала општа паника и метеж, а гостите и персоналот на сплавот успеале да побегнат.
„Фристајлер“ е пријавен за 220 луѓе, а на новогодишната ноќ, според неофицијални информации, имало најмалку 400 луѓе, се претпоставува дека на сплавот биле 500, а можеби и 600 луѓе.
Само од чиста среќа немаше жртви.