Три лица загинаа во престрелка во ресторан во Албанија, а се сомневањата се дека се работи за конфликт меѓу локални криминални кланови на југот од земјата, јавуваат албанските медиуми. Цел на пукањето во градот Мемаљај, во областа Ѓирокастро, биле членовите на семејството Каљеми, кои во тој момент биле во ресторан на роднина.
Се сомнева дека напаѓачите пукале од „калашникови“, а убиен е Шиќир Каљеми (74), додека неговиот брат е тешко ранет.
Во престрелката загинаа келнер и гостин на кафеана. Членовите на семејството Каљеми се осомничени дека се вмешани во убиството на бизнисменот Едмонд Папа во 2022 година, по што Шиќир Каљеми беше ранет.
По инцидентот, полицијата поставила контролни пунктови во градовите Фиера, Берат и Валона, а во блиското село било пронајдено запалено возило „БМВ“ кое наводно го користеле сторителите. Се уште се трага по напаѓачите.