Во последните 24 часа, косовската полиција добила пријави за три исчезнати лица. Според полициските информации исчезнати се две малолетни девојчиња и маж. Истражителите веруваат дека трите случаеви не се меѓусебно поврзани.
Малолетно девојче исчезна во Малишево.
„Жена пријави дека нејзината малолетна ќерка го напуштила нејзиниот стан и е исчезната. Случајот е под истрага“, се наведува во полицискиот извештај.
Едно девојче исчезна и во Ораховац.
„Маж пријави дека неговата ќерка ја напуштила семејната куќа и е исчезната. Случајот се истражува“, се вели во полицискиот извештај.
Во меѓувреме, еден маж исчезна од селото Ливоч во близина на Гњилане.
„Маж ја извести полицијата дека неговиот брат ја напуштил семејната куќа и е исчезнат. Тој го пронашол автомобилот на својот брат, малку облека и мобилен телефон во близина на браната во селото Ливоч. Надлежните служби за итни случаи пристигнале на местото на настанот“, се наведува во полицискиот извештај.