Американскиот претседател Доналд Трамп ја номинираше дипломатката од кариера Јури Ким за вонреден и ополномоштен амбасадор на САД во Албанија, објави Белата куќа на нејзината официјална веб-страница.
Ким, која има азиско-амерiканско потекло од Гуами, е член во високата служба за наворешна полтика, а работела во Стејт департментот како директор на Канцеларијата за прашања за Јужна Европа. Претходно била директор во Стејт департментот за студии за дипломатија, шеф на кабинетот на заменик државниот секретар и директор на Канцеларијата за европска безбедност и политичко-воени работи.
Таа исто така била специјален асистент на помошникот државен секретар за Источна Азија и Пацификот и член на делегацијата на САД во шестопартиските разговори за ставање крај на нуклеарната програма на Северна Кореја.
Била политички советник во американската амбасада во Багдад и Анкара.
Зборува кинески, јапонски, корејски и турски.
Амбасадорите ги номинира претседателот, а ги потврдува Сенатот на САД.
Американската амбасада во Тирана од август минатата година е без амбасадор, откако си замина амбасадор Доналд Лу.