Сите лекари, медицински сестри, лаборанти и друг медицински кадар во Албанија наредниот месец ќе подлежи на тестирање, при што оние кои нема да го положат тестот ќе бидат отпуштени од работа.
Ова, како што јави дописникот на МИА, го најави албанскиот министер за здравство Илир Беќај на средба со лекарите специјалисти, на која информираше дека тестовите ќе бидат подготвени во соработка со Медицинскиот факултет.
– Со тестирањето на здравствените работници ќе добиеме чиста слика за состојбата во која се наоѓа албанското задравство и каква услуга им се нуди на пациентите, изјави Беќај.
Според него, минатата година услугите кон граѓаните бележат раст од 30 отсто споредено со претходната година.