Опозицијата планира да предизвика немири и да го урне градот на денешните протести, а потоа да ја обвини Српската напредна партија за наводно вмешаност на нивни поддржувачи, објави Новости.
Како што дознаваме, демонстрантите ќе рушат излози и ќе предизвикаат хаос на улиците на повеќе локации во градот.
-Планот е насилството да ескалира пред насобраните граѓани да почнат да се разотидуваат. Потоа ќе преземе акција група специјално организирани радикални демонстранти. После тоа, планот е вината да се префрли на Српската напредна странка дека зад немирите стојат активисти кои наводно биле вметнати во толпата со цел да се дискредитираат протестите – дознаваме од извор близок до организаторите на протестот, кој сакал да остане анонимен.
Нашите сознанија, објави Новости беа потврдени и од полициската управа. Полицијата веќе е предупредена за можноста од вакви сценарија и е подготвена да реагира доколку дојде до нарушување на јавниот ред и мир.
На неколку простории на Српската напредна странка утрово е фрлена црвена боја, а искршени се и некои стакла. Во прашање се канцелариите на месните комитети на СНС во Петроварадин и Ветерник, како и на улиците Стражиловска, Косовска и Руменачка во Нови Сад.
Канцеларијата на СНС во стариот дел на градот Подбар, на која вчера беше скршен прозорец и со црвена боја испишано „Убијци“, денеска повторно беше мета на црвена боја.