Трагедијата која се случи во Нови Сад ја разбранува јавноста во регионот, а сега испливуваат се повеќе детали за парот и нивните навики и што работеле за да обезбедат егзистенција.
Имено, 25-годишниот маж кој се сомничи дека заедно со сопругата ги убиле своите деца, а потоа се самоубиле заеднички, се занимавал со пишување текстови за песни. Некои локални метал бендови добро го познавале и не можат да поверуваат што се случило.
Деталите откриваат дека парот се оттуѓил од своите семејства и живееле тивок и повлечен живот, без многу контакт со соседите и пријателите.
Во куќата во која се пронајдени телата на децата е пронајден и фунгицид со кој веројатно се отруени децата. Сепак, обдукцијата ќе покаже од што настрадале. При истрагата се запленети и компјутерите и телефоните кои биле најдени во куќата каде парот живеел под кирија, со цел да се открие со кого биле во контакт и што пребарувале на интернет.