Земјите од Западниот Балкан имаат јасна европска перспектива и може да сметаат на поддршката на Европскиот парламент во тој процес, но сепак топката е во нивниот двор, изјави претседателот на Европарламентот, Антонио Тајани во пресрет на неговата денешна посета на Белград.
Тој за порталот „Јуропијан Вестрен Балканс“ изјави дека Србија и Црна Гора би можеле да бидат подготвени за членство во ЕУ до 2025 година, додавајќи дека таму каде што постои волја, има и начини да се направат нештата. – Неопходен е значителен напредок во областите како што се владеењето на правото, правосудството и основните права во Црна Гора и Србија, додаде Тајани.