Дијалогот помеѓу Приштина и Белград ќе биде поставен на претседателско ниво, изјави косовскиот претседател Хашим Тачи за „Дојче веле“.
– Фокусот на разговорите ќе биде во поширока политичка рамка, која ќе има за цел да се постигне спогодба којашто би водела кон добрососедски односи, нормализација, помирување и соработка… Кој и да ја формира новата влада во Косово, ќе треба да се осврне на формирање Заедница на српските општини, и на решавање на прашањето околу демаркирањето на границата со Црна Гора, рече тој.
Како што пренесува БТА, Тачи натаму ги повторува острите критики кон Европската Унија за нејзиниот пристап кон Косово.
– Не се откажувам од ништо што сум го кажал претходно. Не ја критикувам ЕУ, туку сум загрижен за нејзиното одлагање на (развојот на односите со) Косово и другите балкански земји. Тоа одлагање и празнината произведоа мноштво неевроантлантски идеи во нашиот регион, додава тој.