Судот во Солун одобри екстрадиција на македонски државјанин кој убил пензионер во Германија

Од:

Судот во Солун вчера одобри екстрадиција на 34-годишен државјанин на Македонија во Германија, каде што се бара за учество во грабеж и убиство на 81-годишен маж, објави „Катимерини“.

Нашинецот е уапсен во мај на граничната премин „Евзони“, при рутинска проверка која покажала дека против него е издадена европска потерница.

Кривичните дела, според документите на германското обвинителство, се извршени во февруари во мал град во сојузната покраина Хесен. Осомничениот наводно патувал во Германија на службена должност со сограѓани и престојувал во соби изнајмени од жртвата. Сторителите, според германските органи за спроведување на законот, го врзале и му ја затвориле устата на 81-годшниот маж, земајќи пари од неговиот дом. Неговата смрт била предизвикана од задушување.

Пред судиите на Апелациониот совет, 34-годишникот побарал да не биде екстрадиран во Германија, тврдејќи дека на неговото семејство, кое живее во Велес, ќе му биде полесно да го посетува во грчки затвор. Судот го отфрлил неговото барање.

Би можело да ве интересира

(ВИДЕО) Се зголемува бројот на загинати и повредени во железничката несреќа во Германија

Горан Наумовски

Железничка трагедија во Германија: Најмалку тројца мртви, десетици повредени

Неколку лица загинаа, а најмалку тројца се повредени во железничка несреќа во Германија

Горан Наумовски

(ВИДЕО) Железничка несреќа во Германија, има голем број загинати и повредени

Горан Наумовски

(ВИДЕО) Невреме во Германија: Загина 11-годишно дете, поплавени се подруми, патиштата се затворени

Силна експлозија пред станбена зграда во Солун, најмалку двајца се повредени