Српската полиција синоќа спречи околу 150 имигранти во нивниот обид да влезат во Хрватска, јави српската државна телевизија РТС.
Според телевизијата имигрантите, кои бил сместени во прифатниот центар за бегалци во Шид, пеш се упатиле кон српско-хравтската граница со намера да преминат на територијата на Хравтска.
Полицијата ги пресретнала кај селото Адашевци, во близина на границата и се обидела „ненасилно да ги врати“ во бегалкциот центар, но тие се спривставиле на тоа и седнале на кловозот на патот по кој се движеле, блокирајќи го сообраќајот. Сепак, полицијата набрзо успеала да ги отстрани од патот,
Како што јави Танјуг, станува збор за лица кои наводно веќе биле вратени од страна на хравтските власти со образложение дека не потекнуваат од кризни подрачја, иако тие тврдат дека се од Сирија, Ирак или Авганистан.
Во текот на вчерашниот ден од Шид со воз кон Хрватска заминале над 600 бегалци, а во центарот останале уште околу 500 други.