Додека низ светот се шири отпорот против истополните бракови, Србија подготвува терен за регулирање на статусот на ЛГБТ заедницата.
Како што дознава српски „Новости“, на јавна расправа на четврти јуни ќе биде претставен предлог закон за регистрирање на истополови заедници.
За партнерите кои живеат во повеќегодишна заедница, ќе им се овозможи да наследуваат недвижнини, во случај на смрт да ги уживаат пензиите или некоја социјална помош од дотогашниот партнер, да можат да се посетуваат во болница како членови од најблиското семејство.
Услов за тоа ќе биде воведувањето во единствениот регистер, кој би го воделе матичари.