Словенскиот парламент вечерва доби нова влада од левиот центар на премиерката Аленка Братушек.
Парламентот со 52 гласа „за“ и 35 „против“ ја избра новата влада со што заврши процесот на формирање на 11–та словенска влада.
Кабинетот од 12 министри, вечерва положи заклетва и се очекува во наредните денови да ги преземе должностите од конзервативната влада на Јанез Јанша, која ја изгуби довербата поради корупцискиот скандал
Приоритет на новоизбраната влада ќе биде заживување на стопанството и спасување на банкарскиот сектор.
Елена Георгиевска