Агенти на американското Федерално истражно биро (ФБИ) во Словенија истражуваат евентуално перење ирански пари, во кое наводно е вмешана и српската Влада, објави словенечката телевизија НОВА 24.
Телевизијата посочи дека целата операција на перење на парите се одвивала преку Нова Љубљанска Банка (НЛБ) и траело од 2009 до 2011 година. Во малверзациите била вклучена и српската Влада.
Телевизијата НОВА 24 веќе побара официјални информации од словенечкиот премиер Марјан Шарец.
Во саботата на љубљанскиот аеродром Брник слета американски таен авион. Според дел од словенечките медиуми со летот пристигнале 20 истражители на ФБИ.