Политичкиот совет на СИРИЗА денеска одржа состанок на кој членовите разговараа за последните случувања во прашањето за името, како и за подготовките за централниот комитет на партијата.
СИРИЗА во соопштението до медиумите го повторува ставот во однос на спорот меѓу Македонија и Грција: сложено име за севкупна употреба.
– На политичкиот совет, беше изразена поддршка на активностите на владата и беше нагласена потребата да се искористи можноста за решавање на долгогодишното национално прашање кое го оставија во наследство претходните влади. СИРИЗА цврсто се залага за взаемно прифатливо решение со сложено име за сите употреби, соопштуваат од партијата, пренесува МИА.