СИРИЗА, се залага за сложено име со географска одредница за севкупна употреба. Прашањето за името е меѓу 20-те круцијални ставови на партијата, презентирани во Атина, пред амбасадорите на земјите од групата Г20.
Ако неговата партија формира влада, таа ќе води „мултудимензионална и пацифистичка“ политика, но и силно ќе ги брани правата на земјата во рамките на ЕУ и ќе се стреми да придонесува во регионалните сојузи на Балканот и Медитеранот, вели лидерот на грчката Коалиција на радикалната левица, Алексис Ципрас.
Ципрас рече дека неговата партија не сака Грција да излезе од еврозоната.