Синодот на Српската православна црква (СПЦ) испратил писмо до владиците во кое се наведува дека им е забрането „мешање во световните работи“ и давање поддршка на партиите и политичарите, пишува денеска весникот „Нова“.
„Конкретно, треба да се истакне дека е недозволиво какво било учество на партиски натпревари, давање јавни изјави во корист или на штета на одредени партии или кандидати во и надвор од изборните процеси“, се вели во писмото и се додава дека одлуката е прифатена од патријархот Порфириј.
Според соговорниците на весникот, на тој начин е јасно дека постои страв дека некои владици би можеле да ја поддржат опозицијата, а од друга страна, на официјалната веб-страница на СПЦ се објавуваат пофалби за луѓе од власта.