Шведска ќе одвои 400 милиони евра до 2020 година за Албанија, Србија, Босна и Херцеговина и Косово за спроведување реформи неопходни за влез во ЕУ, изјави денеска шведскиот амбасадор во БиХ Фредрик Шилер.
Амбасадорот Шилер нагласи дека средствата ќе бидат наменети за реформи на администрацијата и правосудството, како и гарантирање на човековите слободи и права.
Шилер истакна дека при распоредувањето на средствата во периодот од 2014 до 2020 година ќе бидат земени во предвид штетите што Србија и БиХ ги претрпеа по поплавите во регионот.