Финска и Шведска не воведоа никакви конкретни ограничувања за употребата на оружјето од страна на Украина за извршување напади на руска територија, но оружјето мора да се користи во согласност со меѓународното право, изјавија финската министерка за надворешни работи Елина Валтонен и нејзината шведска колешка Марија Малмер Стенергард на настан во Хелсинки, пренесува Yle.
Валтонен истакна дека единственото ограничување е тоа што оружјето мора да се користи во согласност со меѓународното право.
Стенергард истакна дека употребата на оружје не е ограничена на територијата на Украина и дека оружјето може да се користи за удари на територијата на Русија.