Штрајкуваат вработените во јавниот превоз во Грција

Од:

Вработените во јавниот транспортен сектор во Атина најавија прекин на работата и 24-часовни штрајкови за денес, објави „Прототема“.

Најавени се штрајкови во сите видови транспорт, вклучувајќи автобуси, метро, ​​трамваи и бродови.

Два синдикати објавија дека автобусите и тролејбусите ќе сообраќаат само од 9 до 21 часот поради штрајкот, но дека приградските линии ќе сообраќаат во текот на денот.

Работниците на две линии на метрото одлучија да штрајкуваат за подобри услови за работа. Сепак, линиите на метрото што водат до и од аеродромот ќе работат нормално.

Поради 24-часовен штрајк, Атина ќе остане без трамвајски сообраќај. Здружението на возачи на трамвај од Атика побара разбирање од јавноста, истакнувајќи дека штрајкот се спроведува за подобрување на условите за работа на сите работници во јавниот превоз.

Поморскиот сообраќај, исто така денеска, нема да работи низ цела Грција.

Би можело да ве интересира

На плажа во Грција, девојче од Србија нападнато од волк: „Ја закачи со шепата“

Потрага во морскиот дел на Халкидики по македонска државјанка – пронајдена жива и здрава на копно

Грција затвора повеќе од 700 училишта

Грција: Нема воени гаранции за Украина по војната

Тепачка на плажа во Грција – ги нападна туристите кои сакаа да пливаат голи

А1он

Грчките државни службеници штрајкуваат 24 часа