Бродовите и возовите во Грција денеска нема да сообраќајот, поради штрајк на вработени во поморскиот и железничкиот сообраќај.
Вработените во компаниите во овие сектори ќе учествуваат во 24 часовен штрајк, објавен за 1 Мај – Меѓународниот ден на трудот од двата најголеми синдикати во земјата – на вработените во приватниот сектор ГСЕЕ и во државниот сектор АДЕДИ.
За денеска е планиран и протест пред зградата на Парламентот од прокуминистичкиот синдикат ПАМЕ.
Фериботните компании поради празниците планираат вонредни маршрути и измени на часовите на сообраќање со цел да ги опслужат патниците за време на првомајските и велигденските празници. Патниците, кои имаат билети за бродови до островите за 1 мај, се повикуваат да се поврзат со туристички агенти, а со железничката компанија треба да се консултираат патниците кои имаат билети за воз.
Проблеми во сообраќајот ќе има во Атина, со оглед на тоа што автобусите и тролејбусите ќе се движат од девет до 21 часот, по што ќе се вклучат во штрајкот. Метрото почнува со работа во девет часот, но нема да сообраќа до меѓународниот аеродром.