Специјален тим од Европската унија, Светска банка, ОН и од Босна и Херцеговина во кој беа 110 луѓе синоќа ја заврши проценката на штетите од поплавите во државата. Според нив штетата е над 1,5 милијарди евра, објави Дневни аваз.
Извор кој побарал анонимност изјавил за весникот дека таа оценка е значително повисока од првичните прогнози за 1,3 милијарди евра.
Извештајот за штетите ќе биде основа за голема донаторска конференција во Брисел во првата половина на јули. Се очекува на таа донаторска конференција да се обезбедат околу една милијарда евра помош за БиХ.
Главниот дел ќе бидат најверојатно поволни кредити, а дел неповратна помош. Останатите средства БиХ треба сама да ги обезбеди.