Еврокомесарот за проширување Штефан Филе денеска ќе престојува во посета на Србија, каде ќе разговара со највисоките функционери на земјата.
Филе ќе се сретне со претседателот на Србија Томислав Николиќ, премиерот Александар Вучиќ, шефот на дипломатијата Ивица Дачиќ, претседателот на Парламентот Маја Гојковиќ, со министрите за правда и за внатрешни работи Никола Селаковиќ и Небојша Стефановиќ, како и со шефовите на пратеничките групи во Собранието.
Филе пристигнува само неколку дена по престојот во Белград на високиот претставник на Европската унија за надворешна политика и безбедност, Кетрин Ештон.