Министерот за надворешни работи на Албанија, Гент Цакај, изјави дека по неговата посета на САД му е јасно дека нема да има поделба на Косово и дека не е постигнат таен договор.
Тој на заедничката конференција со премиерот Еди Рама во Приштина рече дека посетата на Вашингтон била планирана претходно и дека не била директно поврзана со косовското прашање.
– Единствената средба за Косово беше средба со г-дин (Ричард) Гренел. Од таму имам три пораки. Првата, нема таен договор. Втората, нема поделба на Косово и третата, нема потреба од брзање за договор поради некој интерес во однос на американските избори, рече Цакај.