Во Белград утре ќе започне дводневниот Самит на Кина и 16 земји од Централна и Источна Европа, кој ќе се одржи под мотото „Нови мотори, нова сила, нова платформа“.
На овој трет собор во овој формат, најавено е учество на околу 1.350 владини претставници и бизнисмени од Кина и Европа, меѓу кои ќе биде и кинескиот премиер Ли Кечијанг.
Покрај учеството на Самитот, Ли ќе оствари и официјална посета на Србија, со што ќе стане прв кинески премиер што го посетува Белград по 28 години.
Самитот, што ќе се одржи во белградскиот „Сава центар“, ќе го отворат Ли и премиерите на Србија и Полска, Александар Вучиќ и Ева Копач. Се очекува Копач во обраќањето да најави и формирање на заеднички мешовит економски комитет на Кина и земјите од Централна и Источна Европа, чие седиште би било во Варшава.
На форумот ќе се претствата голем број кинески компании заинтересирани за инвестирање во регионот, а ќе се одржат и три тематски панел диксусии.
На маргините на собирот се очекуваат и голем број билатерални средби на владините претставници-учесници на Самитот.