САД заедно со Европската унија и високата претставничка, Кетрин Ештон ги поттикнуваат Србија и Косово да продолжат со напорите и преговорите за договорот со кој ќе се нормализираат нивните односи.
Официјално лице на Стејт департментот на дописникот на „Танјуг“ во Вашингтон му изјавило дека двете страни утре ќе се сретнат во Брисел и дека САД во потполност ќе продолжи да го поддржува дијалогот под водството на Ештон и ЕУ.
-Го поздравуваме водството кое што го покажаа двата премиера и остануваме кон ставот да им помогнеме да најдат решение, кое не само што ќе биде од корист за нивните народи, туку и за целиот регион – изјави американскиот функционер.
Тој повтори дека САД силно ја поддржуваат европската перспектива за Србија и Косово, истакнувајќи дека заменикот на помошникот на државниот секретар Филип Рикер го посети Брисел за да ја подвлече поддршката која Америка и понатаму ќе ја пружа.
Елена Георгиевска