Состанокот помеѓу премиерот на Србија Ивица Дачиќ и косовскиот премиер Хашим Тачи може да допринесе за напредок во приближувањето на ставовите на двете страни, што ќе овозможи почеток за примена на бриселскиот договор, истакна шефот на пратеничката група СПС, Бранко Ружиќ.
-Фактот дека Дачиќ и Тачи ќе разговараат оди во прилог на тоа дека некои разминувања може да се надминат и да започне имплементацијата на договорот-изјави тој.
Според него состанокот помеѓу двајцата премиери ќе го започне процесот за заеднички интерес. Србија е во интерес да добие датум, но и Приштина има свои интереси- нагласи шефот на пратеничката група СПС.
-Ако можевме да дојдеме до договор кој е комплексен, тогаш сум сигурен дека можеме да дојдеме и до одржлив модел за започнување на имплементацијата-истакна тој.
Елена Георгиевска