Руското Министерство за надворешни работи ја осуди одлуката на Хашкиот трибунал да го ослободи Рамуш Харадинај и процесот против него во овој суд го оцени како „скандалозен“.
Официјална Москва најавила дека ќе побара затворање на судот во Хаг, согласно претходно усвоената резолуција во Советот за безбедност на ОН, јавува Танјуг.
– Процесот против Харадинај е воден во скандалозни околности, се наведува во соопштението на руското Министерство, нагласувајќи дека „првпат во историјата на меѓународното судство сведоците на ова судење биле под отворен притисок и заплашување, а често биле и физички елиминирани. се тоа се извршувало во атмосфера на тотално безаконие и попустливоста на меѓународните претставници на Косово“.
Во документот се укажува и дека ослободителната пресуда за Харадинај во Хашкиот трибунал, заедно со неодамнешното ослободување на двајцата хрватски генерали Анте Готовина и Младен Маркач, „претставува уште еден доказ за двојните стандарди во работата на овој суд, кога не се казнуваат лица обвинети за злосторства против човештвото и воени злосторства“.