Претседателот на Европскиот Совет, Херман ван Ромпуј од утрово е во посета на Србија за да и ја честита одлуката за отпочнување на преговорите за членство во ЕУ.
Европскиот совет минатата недела одлучи преговорите со Србија да започнат најдоцна во јануари 2014-та.
Ромпуј порача дека Белград ја има целата поддршка на патот кон полноправно членство во ЕУ.
Дачиќ најави дека веќе од денеска Србија ги започнува техничките подготовки за старт на преговорите.
Тој подвлече дека отворањето на преговарачкиот процес без дополнителни услови претставува историски успех за Белград.