Европската унија би требало да го постави како приоритет приемот на балканските земји во свое членство, со оглед на тоа дека тие се наоѓаат во првите редови на европската бегалска криза, изјави италијанскиот премиер Матео Ренци.
– Унијата се прошири кон исток. Но би била трагична, историска грешка, да се остават надвор балканските земји, порача Ренци во интервју за германскиот весник „Велт“.
Ренци го упати овој повик откако претставници на ЕУ кон крајот на минатиот месец соопштија дека се плашат оти криумчарите на луѓе би можеле да отворат нова прекуморска рута до Италија од Албанија, ако копнените граници на Балканот се затворат.