Движењето Река на вчерашниот состанок на политичкиот совет одлучи дека останува во опозиција, но паралелно не ја менува одлуката донесена на Конгресот дека проблемот со името треба да се реши.
-Река на секој начин опозициски ќе биде против владиното мнозинство. Изнудувањето на глас за доверба беше со користење на сите стари партиски методи на рушвет и тоа е удар на демократијата. Во исто време нашето движење останува цврсто на одлуката на Конгресот дека проблемот со ПЈРМ треба да се реши и Грција треба да биде протагонист во отворањето на европскиот пат за соседната земја, се главните заклучоци од синоќешниот состанок на политичкиот совет на кој присуствуваа лидерот Ставрос Теодоракис, пратениците и европратениците од Река.
Едногласно било заклучено дека партијата во патриотските прашања не се поставува размислувајќи на партискиот интерес, ниту менува ставови врз основа на околностите.