Вака гласи „новинарската патка“ која беше објавена на порталот „Сараево 365“ и каде беше пренесено дека поранешниот командант на војската на Република Српска, кој е обвинет за геноцид, злосторства против човештвото и прекршување на законите на војната, го силувале во Хашкиот трибунал и тоа ни помалку ни повеќе туку пет затвореници од Руанда.
Но сето тоа не беше доволно многу медиуми да се „налепат“ на измислената приказна во која се тврди дека информациите стигнале благодарение на холандски државјанин, кој што потекнува од Сараево и работи како чувар во затворот во Хаг.
-Чекаа да се стемни, а потоа со часови ѕверски го силува, тоа е се што можам да ви откријам – изјавил чуварот, кој додал дека инцидентот се случил во четврток вечерта.
Голем дел од медиумите загризаа на оваа измислена вест и ја пренесоа како вистинска. Ваквите непроверени информации во новинарството се означуваат со НТ кое се става на крајот на тесктот и значи дека веста не е проверена или се нарекуваат „новинарска патка“ која се пласира со цел некој да се омаловажи или навреди.
Е. Г.