Рама: Албанија заради Отворен Балкан ќе ги укине сите царински такси за Косово

Од:

Албанскиот премиер Еди Рама попладнево изјави дека Албанија ќе ги укине сите царински такси за увозот од Косово, почнувајќи од земјоделските производи, јави дописникот на МИА од Приштина.

dobivaj vesti na viber

За време на неговата посета на фабрика за производство на брашно во Ораховац, Рама изјави пред медиумите дека Албанија не сака „еден Отворен Балкан без такси, а во него да не биде опфатено и Косово“.

– Ние напрвивме план за укинување на таксите и ќе ги укинеме целосно. Би сакале тоа да биде билатерално со Косово, но ние секако ќе го направиме. Тие побараа повеќе време за да анализираат, но ние ќе ги укинеме таксите за сé што доаѓа од Косово… Од друга страна, тоа треба да го направи и Косово, но доколку на косовската влада ѝ треба повеќе време за да простудира, ние тоа секако ќе го направиме. Затоа што ние не сакаме да имаме еден Отворен Балкан без такси, а во него да не биде опфатено и Косово. Тоа е бесмислено, изјави Рама.

Албанскиот премиер допатува попладнево во Косово поради утрешната заедничка седница на косовската и албанската влада, што ќе се одржи во Приштина.

Ова е осма заедничка седница на владите на Косово и Албанија, а првата беше одржана во јануари 2014 година во косовскиот град Призрен.

Би можело да ве интересира

Работа за граѓаните на земјите од Отворен Балкан без визи и работни дозволи

Горан Наумовски

Бочварски-Момировиќ: Го забрзавме протокот на стока и патници на ГП Табановце

Ана Ололовска

Хоџај: Косово треба да се однесува конструктивно и да стане дел од Отворен Балкан

Онлајн состанок на лидерите на Отворен Балкан: Нашата соработка е конкретна, за силен економски регион подготвен за членство во ЕУ

Ана Ололовска

Пријава на винарите од регионот за првиот саем за вино Отворен Балкан во Белград во септември

А1он

(ВИДЕО) Вучиќ: Сит сум од игрите на ЕУ, ги поддржавме нашите пријатели

Катерина Павлова-Николовска