Велика Британија прифати на нејзина територија да биде префрлен поранешниот водач на босанските Срби, Радован Караџиќ, кој во оваа земја ќе ја издржи казната доживотен затвор, која му беше изречена од страна на Хашкиот трибунал за геноцид, воени злосторства и злосторства против човештвото.
Караџиќ, кој има 75 години, сега е во притворскиот центар на ОН во Хаг. Тој чека да биде префрлен во затвор надвор од Холандија, каде ќе ја издржи казната, меѓу другото, и за неговата улога во масакрот во Сребреница за време на босанската војна.