Радев: Испраќањето воена помош за Украина може да предизвика глобален конфликт

Од:

Бугарскиот претседател Румен Радев изјави дека воената помош за Украина може да предизвика глобален конфликт и повика на прекин на испораката на оружје за Киев. Радев во интервју за радио Дарик предупреди дека снабдувањето со оружје на Киев значи дека, како што рече, пожарот се гаси со бензин и дека ќе има уште многу жртви.

Бугарскиот претседател посочи дека воената помош за Киев подразбира дека конфликтот „мора да се води додека едната од страните не биде целосно поразена“, што неминовно и постепено води до глобален конфликт и можност за нуклеарно самоуништување.

Радев истакна дека затоа неговата земја не треба да испраќа оружје за да го разгори конфликтот во Украина.

Бугарскиот претседател предупреди дека воениот конфликт во Украина станува се понасилен и води кон исцрпеност и глобална економска катастрофа.

Германскиот весник „Велт“ пред два дена обелодени дека поранешниот премиер Петков минатата година извршил тајна операција за снабдување на Украина – без знаење на коалициските партнери. Се верува дека во еден момент Бугарија и испорачувала на Украина третина од муницијата и 40 отсто од нафтата. Во 2022 година Киев неофицијално побарал помош од Софија бидејќи на украинската армија и снемало гориво и муниција од советско производство. Оружјето и дизелот не оделе директно, туку преку фирми посредници во Бугарија и странство, а се транспортирале по воздушен и копнен пат преку Романија, Унгарија и Полска.

Би можело да ве интересира

Радев: Желбата на Македонија за дијалог е позитивен знак

Главчев и Радев по инаугурацијата на Сиљановска-Давкова: Договорите мора строго да се спроведуваат

Горан Наумовски

Радев: Многу наскоро ќе стане јасно дали Македонија сака да оди во Европа

Горан Наумовски

Радев и Вархеји очекуваат да поминат уставните измени веднаш по изборите на 8 мај

Орце Костов

Радев: Уставните измени се европски, а не бугарски барања

Бугарскиот претседател одби да го потпише указот за разрешување на шефот на бугарското МВР