Претседателката на Бугарија, Илијана Јотова денеска му го врачи мандатот за составување влада на кандидатот за премиер Румен Радев.
Радев е номиниран од најголемата парламентарна партија Прогресивна Бугарија во 52. Народно собрание.
Според бугарскиот Устав, претседателот, по консултации со парламентарните групи, му го доверува мандатот за составување влада на кандидат за премиер предложен од најголемата парламентарна група.
Јотова на 5 мај одржа консултации со претставниците на парламентарните партии, на кои беа истакнати неколку клучни приоритети – буџетот, судските реформи и исплатите од Планот за закрепнување и отпорност.