рватскиот министер за надворешни работи Весна Пусич денеска во Сараево најави натамошна поддршка за евроатлантскиот пат на Босна и Херцеговина и ги поттикна владејачките партии да ги спроведат неопходните реформи.
Како што јави агенцијата Хина, Пусиќ, која денеска се наоѓа во прва официјална посета на Босна и Херцеговина по формирањето на новиот состав на Советот на министри, со својот колега Игор Црнадак резмени мислења за билатералните односи и за примената на новиот приод на ЕУ кон Босна и Херцеговина, чија цел е да се забрза процесот на приближување на земјата кон ЕУ преку стимулирање на примената на економски и социјални реформи, како и изведување политички и уставни промени.
За реализација на овој план хрватското Министерство за надворешни работи се подготвува да организира работна средба на шефовите на дипломатиите на ЕУ посветена на Босна и Херцеговина, а таа треба да се оддржи во предвечерието на средбата на Советот на министри за надворешни работи на ЕУ.
Средбата треба да се оддржи следната недела во Луксембург, а досега 20 министри од земјите-членки на ЕУ потврдиле дека ќе присуствуваат на неа.
Весна Пусиќ од Сараево посочи дека некои од претходните услови, што беа поставени пред Босна и Херцеговина за нејзиниот напредок кон ЕУ, беа „тешки за исполнување“.
Според неа, уште следната недела или најдоцна во мај официјално треба да се „одмрзне“ Спогодбата за стабилизација и асоцијација со Босна и Херцеговина, откако лидерите на политичките партии во земјата во февруари ја презедоа обврската да ги применат бараните реформи.